Aaipop

Jitiizer pakt de trie wer op! Earste namme foar Aaipop 2014!!!

Teade de Boer — Fri, 17 May 2013 13:12:21 +0000

Heidi Heidi Hooooo!!!! De earste namme foar Aaipop 2014 is Jitiizer! Rikus en de Mannen pakker de ynstrumenten der wer by, en sille fansels op Aaipop te hearen wêze.

Kenia dankt Fryske festivalgongers!

Tsjeard Hofstra — Fri, 10 May 2013 13:27:13 +0000

In goed berjocht út Kenia:

Dear Wytske and friends in Holland,

We the community of Giovanna Children Center of Hope in Kenya, Matunda wish to express our deepest gratitude for the donation of monies at Frisian Festival instead of buying drinks of it. We wish to assure you that the funds donated,every cent of it will go towards improving the education,health and lives of these disadvantaged and most vulnerable orphans of Giovanna community.We shared the information with the children and they very excited and felt very loved.attached please find some pictures during the price giving education day.its the wish of the kids at Giovanna Center to invite the willing friends in Holland to visit the center in future.thanks for no.
Pamela and Francis

Liet op 5 maaie yn Ljouwert

Teade de Boer — Fri, 03 May 2013 09:56:46 +0000

Op www.liet.nl is alle ynformaasje te finen oer kommende snein 5 maaie. De finale is yn de Prinsentún, te Ljouwert. It waar liket moai te wurden, de setting oan it wetter is dat fansels ek.

Foto`s fan bands

Tsjeard Hofstra — Sun, 07 Apr 2013 17:13:36 +0000

Ek fan de bands binne moaie foto`s makke troch Atse Numan, sjoch ûndersteande link:

https://picasaweb.google.com/106218503254114290851/Aaipop2013Bands

Stiesto ek sa kreas op de foto, as krek wat minder???

Teade de Boer — Wed, 03 Apr 2013 18:21:15 +0000

Húsfotograaf Atse Numan hat him de fuotten ûnder it liif wei rûn om alle besikers hast persoanlik op de foto te setten! Stiesto der tusken?

Klik hjir foar syn album mei mear as 200 foto’s!

Foto`s fan besikers

Tsjeard Hofstra — Wed, 03 Apr 2013 10:57:13 +0000

Us hûsfotograaf Atse Numan hat alle foto`s fan besikers op in picasa webstek setten, dizze kinst hjir fine. Alle foto`s meist delhelje om út te draaien, ôf te drukken, op dyn facebook profiel te setten as oare dingen mei út te heljen. Foar publikaasje meie se ek brûkt wurde ûnder betinkst dat de namme fan ús fotograaf de ûnder komt te stean.

De foto`s fan de bands komme yn de rin fan de wike.

Hast do ek noch moaie foto`s? Stjoer se nei foto@aaipop.nl

De dei nei Aaipop 2013

Teade de Boer — Tue, 02 Apr 2013 16:30:24 +0000

Ja, we binne wer wekker! It festivalterrein is wer skjin, no ek wer tiid om it earste berjocht op de side te setten nei de 26ste edysje fan it Aaipop-festival. In baas feest, wat oars kin ik der net fan meitsje. By De Doelleazen it dak der ôf, by Marcel Smit mûsstil, pikefel mominten by De Kast. Letter fan’e wike in grutter ferslach. De webmaster hat juster fuort en daliks de foto’s op www.aaipop.nl setten. Stiesto der tusken?

Ynsmarre, faktor 30, sinnebril, bikini…

Teade de Boer — Sun, 31 Mar 2013 17:15:39 +0000

Tags foar Aaipop 2013: Sinne, blaue loft, sinnebrânoalje, koarte rokjes, bikini, brún wurde en gean sa mar fjirder!

Oars sein: It waar liket best genôch te wurden.

Lêste dei foarferkeap

Teade de Boer — Sun, 31 Mar 2013 07:07:41 +0000

Hjoed is der fan 11.00 oant 18.00 oere de lêste kâns om kaarten te heljen yn de foarferkeap by De Mande te Nijlân. Ferjit net, dat skeelt per kaart 5 euro. Dus mei fjouwer minsken, hest de fiifde al fertsjinne. Hjoed dus de kaarten noch foar 20 euro!

It festivalterrein is der klear foar

Teade de Boer — Sat, 30 Mar 2013 08:27:22 +0000

Goede freed is der mei man en macht wurke om it festivalterrein klear te meitsjen. Dat is slagge, we binne oeral op ta red. Yn de Hark en huverseal ha we tribunes delsetten om in smûke arena-sfeer te meitsjen. Ebele, Adri de Boer, Marcel Smit en de hiele Hannel, Xigatze en Chickens Go Mad sille hjir spylje.

De hekken rûnom it terrein binne tichtmakke mei doek, op dizze wiize krijt de wyn minder fryheid, alle hoekjes binne yn de lijte. De Teneftertinte en it Kij Lûd stean ek as in hús, kreaze tinten mei yn beide tinten heaters om de waarmte yn de tinte te krijen. We litte jimme dus net yn de kjeld stean!

Hjoed en moarn is der noch foarferkeap, wês derby, it skeelt ommers 5 euro per kaartsje!